سفيان عبد المعطي

هل وليد المعلم "حيسلّم" عالجربا ؟
هل وليد المعلم "حيسلّم" عالجربا ؟

وليد المعلم .. حيسلم عالجربا ؟

التلفزيون السوري حينقل كلمة المعارضة ؟

مصور التلفزيون السوري هو وحامل سيبة الكاميرا وصرلو 3 سنين عم يسمع كلمات متل مؤامرة وصهيوأمريكية وبترو دولار .. شو حيساوي وقت يشوف الجربا ؟

يا ترى حيأمنو الشباب على حالن وينسونا ؟

يا ترى الشباب بعد قعدة جنيف حيتعودو يقعدو تحت سقف واحد ؟

اللي ما كان وطني بحياتو معقول بعد جنيف يصير وطني .. اي شو سحر القصة ؟

معقول يصير كفكفة بوفد المعارضة ؟

معقول ما تنضرب شي ضيعة بالكيماوي وتتلخبط العالم فيها قبل جنيف بنص ساعة ؟

معقول جنيف يرخص الأسعار وترجع سندويشة الفلافل ب 25 ليرة ؟

معقول يرجع الدولار ب 47؟

معقول يرجع بيوتنا المهدمة ؟ معقول يرخص المازوت ؟

معقول ارجع اقدر اشتري ب 20 ليرة فيلم من تبعوت البوكس اوفيس واشتري ب 700 ليرة بنطلون ؟

معقول ارجع اقدر اطلع بالباص ب 10 ليرات وبالتكسي ب 50 ليرة ؟

معقول يصير جنيف أصلا !!!

اترك تعليق: التعليقات تمثل أصحابها ولا تمثل `هنا سورية` بالضرورة.