رين الميلع - هنا سورية

offline
offline

 بتعرف شو ؟ كل مرة بتوصل معي للآخر , بيطلع خلقي ... بعصب , بقللك انو بطلت حبك .. اني رح اتركك وروح لأنك كتير مشغول ... شاغلينك المسلحين , ومشاكل الناس والكهربا والمازوت, واللي بدون يروحوا عالجيش أو يسافروا .. برجع بكلمة وحدة عالتلفون او مسج أو ضحكة  .. برجع بحبك ..

هداك النهار , لما بعتلك شي ع الفيس بوك وشفت انك قريتو ومارديت حسيت اني ضعيفة .. خفت منك , وخفت عليك ... عم ضل الحقك ع "تويتر" بس مابعرف ليه ماعم اقدر اوصلك ... خبرك شي ؟ من كم يوم  بالصورة اللي جمعتنا ع "الانستغرام" كنت حابة علقلك اني "بحبك" وخلي كل الناس تشوف انو لقيتلي وقت ... كنا سوا ..حاج يقولوا انن يئسوا منك وانك ما عم تعطينا وقت  .. بحبك من كل قلبي , وعم اكتبلك كل يوم عكل المدونات ... وعفكرة كل ليلة بغير حالة " الواتس اب " على أمل انك تنتبه .. بالمناسبة , صرت خاف افتح "الفايبر" شوفك "اونلاين" وماعم تحاكيني .. ببساطة ومن الآخر يعني , انا عم اكره الانترنت ...فيني اطلب طلب ؟  لو سمحت ارجع "اونلاين" وتواصل معي لأني اشتئتلك ...  ارجع عيش لأني بعيش فيك ... وأصلا ما بيلبق للأوطان تبعد عننا وتصير ... (أوف لاين) .

 

اترك تعليق: التعليقات تمثل أصحابها ولا تمثل `هنا سورية` بالضرورة.