سفيان عبد المعطي

أمنيات زلمة "مشحّر"
أمنيات زلمة "مشحّر"

 اقطعوا الكهربا عن غرفن وشغلولن على سبيكرات أصوات القصف والهاون والتفجيرات والوجع يلي كنا عم نسمعا

نيموهن بلا عشا وبلا خبز بلا مي لا ليشربوها ولا ليغسلو وجهن فيها

خلوهن يخلصو جلستن بالمؤتمر ويرجعو على غرفن يلاقوها معفشة ما فيها ولا غرض اكيد ما حينزعجو متل يلي حارق قلبو ليفرش بيتو بس اللا ما يتحركو شوي

نيموهن بردانين بلا صوبيا تدفيهم وبلا التدفئة المركزية المتعودين عليها بالأوتيلات والبيوت الفخمة وبلا حرام وبلا كنزة صوف سميكة ..

خلوهن يوقفو يستنو الباص هنن و200 واحد معن ويركضو ويغطسو بالوحل ويتسابقو بهالبرد ليركبو عالواقف ويروحو على مكان سكنن .. وبس يصلو خلوهن ما يلاقوه او ما تفوتوهن.. خلي يعرفو شو يعني الواحد راح وما لاقى بيتو .. او راح ولاقى بيتو مهدم ..

خلوهن يحسو فينا .. يحسو بوجعنا يلي كل يوم عم يزيد .. بلكي بيعرفو يتفقو ويخلصو هالعيب يلي نحنا فيه .. وآخر شي خلوهن عندكن بلكي بيعرفو شو يعني وطن

 

اترك تعليق: التعليقات تمثل أصحابها ولا تمثل `هنا سورية` بالضرورة.